Poetry

Banjaarey hain rishton ki tijarat nahi karte,

Hum log dikhawey ki Mohabat nahi karte,

Milna hai to aa jeet ley maidaan mein hum ko,

Hum apney Qabeeley se baghawat nahi karte,

Toofan se larney ka tareeqa hai zaroori,

Hum doobney waley ki himayat nahi karte,

Palkon pe sitaarey hain

na shabnam hai

na jugnoo,

Is tarah to dushman ko bhi rukhsat nahi karte,

Har simt barey logon ki ik bheer hai

Hum itney Khudaon ki ibaddat nahi karte...!