Poetry

Subaq raftaar lamhon ki hadain tarteeb deta hoon,

Sehar ki saans ginta hoon shabein tarteeb deta hoon,

Main aab-e-zar se likhta hoon Tumhara naam shairon mein,

Sunehray lafz bunta hoon Tumhay tarteeb deta hoon,

Tujhay sochoon to Pehlu se sarak jata hai Dil Mera,

Main Dil par hath rakh kr Dharkanen tarteeb deta hoon,

Mery logo ki fitrat mein yazidi wasf shamil hai,

Wohi Mujhko Mitaatay hain Jinhein tarteeb deta hoon.