Sad Poetry

Chiragh-E- Shab Ko Jaise Aandhiyan Acchi Nahi Lagti,

Kuch Aise Hi Hamain Khush Fehmiyan Acchi Nahi Lagti,

Jinhain Soney Ke Pinjre Mein Ghiza Mil Jaaey Chaandi Ki,

Unhain Phir Umr Bhar Aazadiyan Acchi Nahi Lagti,

Woh Jin Ke Dil Mein Fasl-E-Gham Ne Daire Daal Rakkhe Hon,

Unhain Phoolon Pe Bethi Tittliyan Acchi Nahi Lagti,

Mera Dil Chaahta Hai Unhain Aaeena Dikhlaoon,

Woh Jin Ko Doosron Ki Khoobiyan Acchi Nahi Lagti.