Sad Poetry

Aise bhi Mohabbat Ki Saza Deti Hai Duniya,

Marr Jayen To Jeenay Ki Dua Deti Hai Duniya.

.

Ham Kon Se Momin Thay, Jo Ilzam Na Sehtay,

Pathar Ko Bhagwan Bana Deti Hai Duniya.

.

Ye Zakhm Mohabbat Ka Dikhana Na Kisi Ko,

La Ker Sar e Bazar Saja Deti Hai Duniya,

.

Qismat Pe Karo Naz Na Itna Bhi Faqeero,

Hathon Ki Lakeron Ko Mita Deti Hai Duniya.

.

Marrne Ke Liye Karti Hai Majbor To Lekin,

Jeenay Ke Tareeqay Bhi Sikha Deti Hai Duniya...

"AISE BHI MOHABBAT KI SAZA DETI HAI DUNIYA"...