Masroof hai din raat usay waqt kahan hai,
wo mujh se karay baat usay waqt kahan hai,
Betab-e-dil ka usay andaza nahi hai,
Samjhay mery jazbat usay waqt kahan hai,
Wo ponchay meri aankh se behtay houye ansoo,
Ay rang-e-barsat usay waqt kahan hai.
Bhoolay se hi wo poochnay Aa jaye mera haal,
Ay gardish-e-halaat usay waqt kahan hai.
Maujon mein tarapta hua main doob raha hoon,
Thaamay woh mera haath usay waqt kahaN hai
No comments:
Post a Comment