Sad Poetry

Hum Bohat Door Nikal Aaye hain Chaltay Chaltay,

Ab Theher Jaein Kaheen Shaam k Dhaltay Dhaltay,

Meray Andar k Andhairon Ki Ye Chhoti si Chubhan,

Gehray Zakhmon mein hi Dhal Jaey Gi Paltay Paltay,

Garam Sehra mein Kahan Dhoondoon Tujhay Jaan-e-Jahan,

Ho Chalay Paaon Bhi Aadi Yahan Jaltay Jaltay,

Raat k Baad Saher Ho Gi Magar Kis k Liye,

Hum Bhi Shayad Na Rahein Raat k Dhaltay Dhaltay...!!