teri dehleez e wada per
khizaan ki shaam ki soorat kharri hoon main
mere dil main gayi shab se musalsal barfbaari hai
teri rukhsat ka manzer hai
teri rukhsat k manzer main
safer ki teerah shab hai
aur meri tanhaiyon ko housla deta hua ik haat roshan hai
samjh main kuch nahi aata
mere pairon taley bichta gulaabi raasta
yak lakht sehraa kaise banta hai
mere shehar e muhabbat main achaanak hijer ki aandhi
sada kiun chalne lagti hai !
meri aankhon k taaron k muqadder main
hamesha tootna kiun hai !
Ye kaisa Ishq hai janaan ?
ye kia zakhm e judaai hai !
ye kin khuwabon ki basti hai !
jahan per hum ko khul ker saans lene ki manahi hai
mere dil se tere dil tak
Yugon ke phair main lipti
buhat gehri udaasi hai
No comments:
Post a Comment