Ashak aankhon mein chupaatay huwey thak jaata hoon
Bojh paani ka outhatay huwey thak jaata hoon
Paaon rakhtey hain jo mujh par, unhen ehsaas nahi
Main nishanaat mitaatey huwey thak jaata hoon
Barf aisi ke pighalti nahi paani ban kar
Piyaas aisi ke bujhatey huwey thak jaata hoon
Achhi lagti nahi is darja shanasaai bhi
Haath, haathon se milatey huwey thak jaata hoon
Gham Gusaari bhi ajab
kaar-e-muhabbat hai ke main
Roney waalon ko hansaatey huwey thak jaata hoon
Itni Qabrain na banaao meray andar mohsin
Main charaghon ko jalaaty huwey thak jaata hooN
No comments:
Post a Comment