Mujh Ko Ek Hamdard Mila Tha Ek Safar Ki Raat Mein
Main Bahut Be-Khud Hoi Thi Ek Safar Ki Raat Mein
Jane Kis Ki Yaad Thi K Ek Manzar Dekh Kar
Toot Kar Main Ro Pari Thi Ek Safar Ki Raat Mein
Wo K Jis Se Umar Bhar Ki Duriyan Mansoob Hain
Mere Seene Se Laga Tha Ek Safar Ki Raat Mein
Har Taraf phaile Huwe Thay Yaad-E-Gham K Silsile
Kitna Mushkil Raasta Tha Ek Safar Ki Raat Mein
Ghar Se Bahar Paon Rakhte Hi Laraz Uthta Hai Dil
Hadsa Aisa Howa Tha Ek Safar Ki Raat Mein
Aaj Bhi Gungunata Hoon Usay Tanhayi Mein
Geet Jo Humne Suna Tha Ek Safar Ki Raat Mein
No comments:
Post a Comment