Koshish K Baavajood Ye Ilzaam Reh Gaya,
Har Kaam Men Hamesha, Koi Kaam Reh Gaya,
Chhoti Thi Umar Aur Fasaana Taveel Thaa,
Aaghaaz Hi Likh Gaya Anjaam Reh Gaya,
Uth Uth K Masjidon Se Namaazi Chale Gaye,
Dahashat_Garon K Haath Men Islaam Reh Gaya,
Uska Qusoor Ye Tha, Boht Sochta Tha Vo,
Vo Kaamyaab Ho K Bhi Naakaam Reh Gaya,
Ab Kya Bataayen Kon Tha Kya Tha Vo Ek Shakhs,
Ginti K Chaar Harfon Ka Jo Naam Reh Gaya
No comments:
Post a Comment