Ik Jabr Hai Ab
Ehsas-e-Wafa, Ye Dil Mein Basaana Theek Nhi,
Ab Saaz-e-Dil Afsurda Per, Is Geet Ko Gaana Theek Nhi,
Tum Bhool Chukay Ye Sb Behtar, Tum Chhor Chaly Ye Aur Acha,
Khawabon Mein Magar Majboron K, Ye Aana Jana Theek Nhi,
Keh Do K Nhi Hum Mil Sakty, Keh Do K Koi Majboori Hai,
Lekin Ye Labon Tak La La Kr, Baaton Ko Chhupana Theek Nhi,
Aye Shoq-e-Junoo'n Ab Baaz Bhi Aa, Kuch Maan Bhi Ly To Mera Kaha,
Jo Jaan K Bhi Anjaan Bany, Gham Usko Sunana Theek Nhi,
Ab Chhor Bhi Do Deewana Pan, Ab Bhool Bhi Jao Maazi Ko,
Ye Pal Pal Her Pal Khalwat Mein, Ashkon Ka Bahana Theek Nhi...!!
No comments:
Post a Comment